Grand Chess Tour. Լեւոն Արոնյանը հաղթել է Անանդին ու Կրամնիկին

Բելգիայի Լյովեն քաղաքում ընթացող Grand Chess Tour-ի հերթական փուլում անցկացվել են արագ շախմատի մրցաշարի երկրորդ օրվա պարտիաները: Գրոսմայստերներն անցկացրել են 3-ական պարտիա:

Հայկական շախմատի առաջատար Լեւոն Արոնյանը սպիտակներով հաղթել է Վիշվանաթան Անանդին (Հնդկաստան), սեւերով պարտվել Յան Նեպոմնյաշչիին (Ռուսաստան) եւ սպիտակներով առավելության հասել Վլադիմիր Կրամնիկի (Ռուսաստան) նկատմամբ:

Արագ շախմատի մրցաշարի վերջին օրը Արոնյանը սպիտակներով կխաղա Վասիլի Իվանչուկի (Ուկրաինա) ու Մաքսիմ Վաշիե-Լագրավի (Ֆրանսիա) հետ եւ սեւերով կմրցի Ուեսլի Սոյի (ԱՄՆ) հետ:

6-րդ տուրից հետո հայ գրոսմայստերը 6 միավորով 6-րդ տեղում է, իսկ առաջատարը 10 միավոր հավաքած Ուեսլի Սոն է:

Նախօրեին եւս Լեւոն Արոնյանն անցկացրել էր 3 պարտիա՝ պարտվելով աշխարհի գործող չեմպիոն Մագնուս Կարլսենին ու հոլանդացի Անիշ Գիրիին եւ հաղթելով վրացի Բաադուր Ջոբավային:

Մրցաշարային դրությունը 6 տուրերից հետո