Ֆուտբոլի Ֆրանսիայի չեմպիոն «Մոնպելյեի» ավագ Մապու Յանգ Մբիվան հայտնվել է իտալական «Միլանի» հետաքրքրության ոլորտում, հայտնում է Le Corriere dello Sport-ը:
Միլանյան ակումբի գլխավոր մարզիչ Մասիմիլիանո Ալեգրին կարծում է, որ 23-ամյա ֆրանսիացին կարող է պաշտպանության կենտրոնում փոխարինել Բրազիլիայի ազգային հավաքականի խաղացող Տյագո Սիլվային, որը տեղափոխվել է «Պարի Սեն Ժերմեն»:
Ֆրանսիացի պաշտպանին ձեռք բերելու համար «Միլանը» նախատեսել է 7-8 միլիոն եվրո:
Ֆրանսիայի ավարտված առաջնությունում Յանգ Մբիվան «Մոնպելյեի» կազմում անցկացրել է 34 հանդիպում եւ ընդգրկվել է Ֆրասնիայի հավաքականի ընդլայնված կազմում, սակայն չի մասնակցել Եվրո-2012-ին:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։