«Օկլահոմայի» առաջատար Ռասել Ուեստբրուկը ճանաչվել է Բասկետբոլի ազգային ասոցիացիայի (NBA) այս մրցաշրջանի ամենաարժեքավոր խաղացող:
Մրցաշրջանի МVP մրցանակի համար պայքարում էին նաեւ «Հյուսթոնի» պաշտպան Ջեյմս Հարդենն ու «Սան Անտոնիոյի» հարձակվող Կավայ Լեոնարդը:
NBA-ի այս կանոնավոր առաջնությունում Ուեստբրուկը դարձել էր 43 թրիփլ-դաբլի հեղինակ՝ գերազանցելով Օսկար Ռոբերտսոնի պատմական ռեկորդը: Ռոբերտսոնը «Ռոչերստեր Ռոյալսի» կազմում 41 թրիփլ-դաբլի հեղինակ դարձել էր 1961/62 մրցաշրջանում: Այս մրցաշրջանում Ռասել Ուեսբրուկի միջին արդյունավետությունը կազմում է 31,7 միավոր:
Մրցաշրջանի լավագույն պաշտպանողական խաղացող է ճանաչվել Դրեյմոնդ Գրինը «Գոլդեն Սթեյտից», իսկ «Հյուսթոնը» գլխավորող Մայք Դ՛Անտոնին լավագույն մարզիչն է: Լավագույն նորեկի մրցանակը բաժին է հասել «Միլուոկիի» խաղացող Մալկոլմ Բրոգդանին:
Նախորդ 2 մրցաշրջաններում NBA-ի ամենաարժեքավոր բասկետբոլիստ էր ճանաչվել «Գոլդեն Սթեյտի» խաղացող Ստիվեն Կարին: Այս տարի չեմպիոնի տիտղոսը նվաճել էր «Գոլդեն Սթեյտը», իսկ «Օկլահոման» 1/8 եզրափակիչ շարքում 1:4 հաշվով պարտվել էր «Հյուսթոնին» եւ լքել պայքարը:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։