Արթուր Գեւորգյան. Այս հաղթանակը Բաչկովի երկարատեւ ու քրտնաջան աշխատանքի արդյունքն է
23:09 26 հունիսի, 2017Հավաքականը լավ պատրաստված էր մեկնել Եվրոպայի առաջնությանը, ասել է Հայաստանի բռնցքամարտի ֆեդերացիայի նախագահ Արթուր Գեւորգյան, փոխանցում է կազմակերպության մամուլի ծառայությունը:
Հայաստանի թիմը Խարկովում նվաճել է 1 ոսկե մեդալ: 64 կգ քաշային կարգում Եվրոպայի չեմպոնի կոչումը նվաճել է Հովհաննես Բաչկովը:
«Շնորհավորում եմ Հովհաննես Բաչկովին, մարզչական շտաբին եւ ամբողջ հայ ազգին: Ուրախ եմ, որ 7-ամյա ընդմիջումից հետո Եվրոպայի առաջնությունում կարողացանք ոսկե մեդալ նվաճել: Հովհաննես Բաչկովը մեր փորձառու բռնցքամարտիկներից է, բայց ամեն անգամ վերջին պահին ինչ-որ բան նրան խանգարում էր հաջողության հասնել Եվրոպայի կամ աշխարհի առաջնությունններում: Այս հաղթանակը մեր մարզիկի երկարատեւ ու քրտնաջան, ինչպես նաեւ ֆեդերացիայի հետեւողական աշխատանքի արդյունքն է:
Հաջողության հասնելու մեծ շանսեր ուներ նաեւ 91 կգ քաշային Նարեկ Մանասյանը, սակայն, մրցավարների կասկածելի որոշումների արդյունքում հաղթանակը շնորհվեց մրցակցին՝ Եվրոպայի, աշխարհի ու օլիմպիական չեմպիոն Եվգենի Տիշչենկոյին: Համոզված եմ, որ Մանասյանի հաղթանակները դեռ առջեւում են»,- ասել է ՀԲՖ նախագահը:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.