Հունիսի 25-ին 79 տարեկանում մահացել է անգլիական «Մանչեսթեր Յունայթեդի» գլխավոր մարզիչ Ժոզե Մոուրինյոյի հայրը՝ Ֆելիքս Մոուրինյոն, տեղեկացնում է A Bola-ն:
Ֆելիքս Մոուրինյոն նախկին ֆուտբոլիստ էր: 1956-1968-ը նա հանդես է եկել Սետուբալի «Վիտորիայում», իսկ 1969-1974-ը՝ «Բելենենսեշում»: Կարիերան ավարտելուց հետո նա մարզչական աշխատանք է կատարել պորտուգալական մի շարք ակումբներում:
Ժոզե Մոուրինյոն ֆուտբոլային կարիերայի ընթացքում 2 թիմերում խաղացել է հոր գլխավորությամբ: 1981/82 մրցաշրջանում Մոուրինյոները եղել են «Ռիու Ավեում», իսկ 1982/83 մրցաշրջանում՝ «Բելենենսեշում»:
Պորտուգալացի մասնագետը հոր մահվանից հետո «Ինստագրամում» լուսանկար է հրապարկել նրա հետ:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։