«Ռեալի» երիտասարդական թիմը տրեբլ է ձեւակերպել Գուտիի գլխավորությամբ

12:42   26 հունիսի, 2017

Մադրիդի «Ռեալի» երիտասարդական թիմը հաղթել է Իսպանիայի մինչեւ 19 տարեկանների գավաթի խաղարկությունում: Եզրափակիչում մադրիդցիները 4:1 հաշվով ուժեղ են գտնվել Մադրիդի «Աթլետիկոյից»:

«Ռեալի» Մ-19 թիմը գլխավորում է Արքայական ակումբի եւ Իսպանիայի հավաքականի նախկին կիսապաշտպան Գուտին: Այս մրցաշրջանում Գուտիի թիմը հաղթել էր նաեւ Իսպանիայի մինչեւ 19 տարեկանների առաջնությունում ու Copa de Campeones մրցաշարում: «Ռեալի» Մ-19 թիմին չէր հաջողվել տիտղոս նվաճել միայն ՈւԵՖԱ-ի պատանեկան լիգայում, որում չէր կարողացել հաղթահարել կիսաեզրափակիչի արգելքը:

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։