«Մանչեսթեր Յունայթեդը» 7.5 միլիոն եվրո աշխատավարձ է առաջարկել «Ռոմայի» կիսապաշտպանին
00:26 25 հունիսի, 2017«Մանչեսթեր Յունայթեդը» ցանկանում է ձեռք բերել իտալական «Ռոմայի» կիսապաշտպան Ռաջա Նաինգոլանին: Անգլիական ակումբը Բելգիայի հավաքականի ֆուտբոլիստին առաջարկել է տարեկան 7.5 միլիոն եվրո աշխատավարձ, հաղորդում է football-italia.net-ը: «Մանչեսթեր Յունայթեդի» հետաքրքրության մասին հարցին ֆուտբոլիստը պատասխանել է.
«Հնարավոր է՝ ճիշտ է, հնարավոր է՝ ոչ: Հիմա ես ցանկանում եմ հանգստանալ: Հետո կտեսնենք, թե ինչպես կստացվի»,- ասել է Նաինգոլանը:
«Ռոման» 29-ամյա ֆուտբոլիստին առաջարկել է պայմանագիր մինչեւ 2021 թվականը տարեկան 5 միլիոն եվրո աշխատավարձով:
Անցած մրցաշրջանում անցկացրած 53 հանդիպումներում Նաինգոլանը խփել է 14 գոլ, կատարել 7 գոլային փոխանցում:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։