«Ռեալի» եւ Իսպանիայի հավաքականի նախկին խաղացողն ավարտեց կարիերան
11:16 24 հունիսի, 2017Մադրիդի «Ռեալի» եւ Իսպանիայի հավաքականի նախկին խաղացող, 34-ամյա Ալվարո Արբելոան Marca-ի հետ հարցազրույցում հայտարարել է ֆուտբոլիստի կարիերան ավարտելու մասին:
«Հրաժեշտ տալու ժամանակն է: Ֆիզիկապես ես դեռ կարող էի շարունակել: «Ռեալն» իմ կյանքի ակումբն է: Ես չեմ զանգի նրանց եւ աշխատանք խնդրեմ, բայց միշտ պատրաստ եմ եղել լսել նրանց առաջարկները»,- ասել է Արբելոան:
2010թ. աշխարհի չեմպիոնն ու 2008թ. եւ 2012թ. Եվրոպայի չեմպիոնը «Ռեալի» ակադեմիայից է սկսել ֆուտբոլային ուղին, 2006-2007-ին հանդես է եկել «Դեպորտիվոյում», 2007-2009-ին՝ «Լիվերպուլում»: Դրանից հետ նա խաղացել է «Ռեալում»: Անցած մրցաշրջանում Արբելոան հանդես էր գալիս անգլիական «Վեստ Հեմում», որի կազմում անցկացրեց 4 հանդիպում:
«Ռեալի» հետ Արբելոան դարձել է Իսպանիայի չեմպիոն, կրկնակի գավաթակիր, սուպերգավաթակիր, Չեմպիոնների լիգայի կրկնակի գավաթակիր, Եվրոպայի սուպերգավաթակիր, աշխարհի ակումբային չեմպիոն:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։