Մեսին՝ ավարտված մրցաշրջանում «Բարսելոնայի» լավագույն խաղացող
13:24 24 հունիսի, 2017Արգենտինացի Լիոնել Մեսին 5-րդ անգամ ճանաչվել է «Բարսելոնայի» լավագույն խաղացող: Անցած մրցաշրջանի արդյունքներն ամփոփել են կատալոնացի լրագրողները, որոնք ակումբի հետ համատեղ ամեն մրցաշրջանի ավարտից հետո որոշում են թիմի ամենաարժեքավոր խաղացողին:
Մրցանակը շնորհվում է 2010 թվականից եւ Ալդո Ռովիրայի հիշատակին է (մահացել է 37 տարեկանում): Նա «Բարսելոնայի» նախկին տնօրեն Խոսեպ Լուիս Ռովիրայի որդին է եւ զոհվել է 2009 թվականին տեղի ունեցած ավտովթարում:
Մեսին այս մրցանակին արժանացել է նաեւ 2010-ին, 2012-ին, 2013-ին ռւ 2015-ին: 2011-ին մրցանակը ստացել է Էրիկ Աբիդալը, 2014-ին՝ Խավյեր Մասկերանոն, 2016-ին՝ Լուիս Սուարեսը:
Անցած մրցաշրջանում Մեսին ակումբային 50 հանդիպումներում խփել է 53 գոլ, կատարել 11 գոլային փոխանցում:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։