Սլովենիայում մարզումային հավաք անցկացնող ռուսական «Ուրալը» առաջին ստուգողական խաղում մրցել է Սլովենիայի չեմպիոն «Մարիբորի» հետ:
Եկատերինբուրգի թիմը պարտվել է 0:2 հաշվով: Ալեքսանդր Տարխանովի գլխավորած թիմը երկու գոլերն էլ բաց է թողել երկրորդ խաղակեսում երկու րոպեի ընթացքում:
«Ուրալի» կազմում երկրորդ խաղակեսին մասնակցել է Հայաստանի հավաքականի հարձակվող Էդգար Մանուչարյանը:
Երկրորդ հանդիպումը «Ուրալը» կանցկացնի հունիսի 23-ին՝ Սլովենիայի երկրորդ դիվիզիոնի առաջատարներից «Անկարանի» հետ, հունիսի 30-ին՝ Սլովենիայի ավարտված առաջնությունում 5-րդ տեղը գրաված «Ցելեի» հետ: Հավաքը կտեւի 10 օրը:
Թիմի երկրորդ հավաքը նույնպես կանցկացվի Սլովենիայում՝ հուլիսի 2-12-ը: Երկրորդ հավաքի ընթացքում եւս նախատեսված է երեք ստուգողական հանդիպում: Երկու մրցակիցներն արդեն հայտնի են՝ Բելգրադի «Պարտիզան» եւ Լուգանսկի «Զարյա»:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։