«Մանչեսթեր Յունայթեդը» համաձայնության է հասել «Մոնակոյի» կիսապաշտպանի հետ

09:07   23 հունիսի, 2017

Ֆրանսիայի չեմպիոն «Մոնակոյի» կիսապաշտպան Ֆաբինյոն կարիերան կշարունակի «Մանչեսթեր Յունայթեդում», հաղորդում է Corriere dello Sport-ը: Անգլիական ակումբը բրազիլացի խաղացողի տրանսֆերի համար կվճարի մոտ 35 միլիոն եվրո: Պորտուգալացի Ժոզե Մոուրինյոյի գլխավորած թիմն արդեն համաձայնության է հասել 23-ամյա խաղացողի հետ: Ֆաբինյոն 2013-ին է տեղափոխվել «Մոնակո» Մադրիդի «Ռեալից» եւ Մոուրինյոյի օրոք է նորամուտը նշել Արքայական ակումբի գլխավոր թիմում:

Անցած մրցաշրջանում Ֆաբինյոն բոլոր մրցաշարերում մասնակցել է 55 հանդիպման, խփել է 12 գոլ, կատարել է 6 գոլային փոխանցում:

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։