Հենրիխ Մխիթարյան. Ֆուտբոլը միայն ոտքերի խաղ չէ, այն նաեւ ուղեղի խաղ է
22:04 21 հունիսի, 2017Անգլիական «Մանչեսթեր Յունայթեդի» եւ Հայաստանի ազգային հավաքականի կիսապաշտպան Հենրիխ Մխիթարյանը պատմել է իր դպրոցական տարիների մասին:
«Դպրոցական տարիներին կենտրոնացած եմ եղել միայն դպրոցի վրա: Վայելել եմ բոլոր ուսումնական առարկաները, սիրել եմ բոլոր ուսուցիչներին: Լավ հարաբերություններ եմ ունեցել բոլորի հետ, որեւէ խնդիր չի եղել որեւէ ուսուցչի հետ, կենտրոնացել եմ միայն ուսման վրա:
Ֆուտբոլ էինք խաղում համադասարանցիների թիմով եւ միշտ հաղթում էինք բոլորին: Ոչ ոք չէր ցանկանում մեր դեմ խաղալ, քանի որ միշտ պարտվում էին: Դպրոցում հաճախ բասկետբոլ էինք խաղում, երբեմն սեղանի թենիս:
Ուսումը շատ կարեւոր է: Ֆուտբոլը միայն ոտքերի խաղ չէ, այն նաեւ ուղեղի խաղ է: Այդ դեպքում, դու կարող ես այլ մարզաձեւերից օգտակար բաներ քաղել ֆուտբոլի համար»,- Հենրիխ Մխիթարյանի խոսքը մեջբերում է «Մանչեսթեր Յունայթեդի» պաշտոնական կայքը:
Հիշեցնենք, որ արձակուրդից հետո «Մանչեսթեր Յունայթեդն» առաջին ընկերական հանդիպումը կանցկացնի հուլիսի 16-ին ԱՄՆ-ում «Լոս Անջելես Գելաքսիի» հետ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։