ConfedCup. Ռոնալդուի գոլի շնորհիվ Պորտուգալիան հաղթեց Ռուսաստանին
20:52 21 հունիսի, 2017Ռուսաստանում շարունակվող ՖԻՖԱ-ի Կոնֆեդերացիաների գավաթի 8-րդ խաղարկությունում մեկնարկել է երկրորդ տուրը: Մոսկվայի «Սպարտակ» ստադիոնում Եվրոպայի չեմպիոն Պորտուգալիայի հավաքականը նվազագույն հաշվով առավելության հասավ ռուսների նկատմամբ: Միակ գոլը 8-րդ րոպեին խփեց Մադրիդի «Ռեալի» հարձակվող Կրիշտիանու Ռոնալդուն, որը 74-րդ անգամ աչքի ընկավ ազգային թիմում:
Պորտուգալիայի հավաքականը 4 միավորով գլխավորեց A խմբի մրցաշարային աղյուսակը, Ռուսաստանն ունի 3 միավոր: Առաջին տուրում Պորտուգալիան 2:2 հաշվով էր խաղացել Մեքսիկայի հետ, Ռուսաստանը 2:0 հաշվով հաղթել էր Նոր Զելանդիային:
Օրվա երկրորդ խաղում կմրցեն Մեքսիկայի եւ Նոր Զելանդիայի հավաքականները: Հանդիպումը կմեկնարկի Երեւանի ժամանակով 22:00-ին:
Կոնֆեդերացիաների Գավաթ
A խումբ, երկրորդ տուր
Ռուսաստան - Պորտուգալիա՝ 0:1
Կրիշտիանու Ռոնալդու, 8
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։