Մոուրինյոն հերքում է մեղադրանքները. Իսպանիայում 26 միլիոն եվրո հարկ է վճարել
15:36 21 հունիսի, 2017«Մանչեսթեր Յունայթեդի» պորտուգալացի գլխավոր մարզիչ Ժոզե Մոուրինյոն պաշտոնական հայտարարությամբ հերքել է Իսպանիայում 3.3 միլիոն եվրո հարկ չվճարելու մեղադրանքը, որը ներկայացրել է Իսպանիայի դատախազություննը:
«Իսպանիայի հարկային մարմինները, դատախազությունը տեսչական գործընթացի վերաբերյալ որեւէ հարցով չեն դիմել Մոուրինյոյին: 2010-2013 թվականներին Իսպանիայում մարզիչը վճարել է 26 միլիոն եվրո հարկ՝ 41 տոկոս միջին հարկային բեռով եւ ընդունել է Իսպանիայի հարկային ծառայության առաջարկը կարգավորել հարկերը՝ ստանալով համապատասխան հավաստագիր: Այն վկայում է, որ Իսպանիայի հարկային ծառայությունը որեւէ պահանջ չի ունեցել այն ժամանակ, եւ Մոուրինյոն լիարժեք կատարել է հարկային պարտավորությունը»,- նշվում է Մոուրինյոյի անունից հրապարակած հայտարարությունում:
Հիշեցնենք, որ պորտուգալացի մարզիչը այդ տարիներին գլխավորել է Մադրիդի «Ռեալը»:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։