Իսպանիայի դատախազությունը մեղադրանք է ներկայացրել Մադրիդի «Ռեալի» նախկին գլխավոր մարզիչ Ժոզե Մոուրինյոյի դեմ, հաղորդում է AS-ը:
Անգլիական «Մանչեսթեր Յունայթեդի» պորտուգալացի գլխավոր մարզիչը մեղադրվում է 2011-2012 թվականներին Իսպանիայի հարկային մարմիններից 3.3 միլիոն եվրո թաքցնելու մեջ: Դատախազությունը համապատասխան դիմումն արդեն ուղարկել է Մադրիդի դատարան:
Մոուրինյոն Արքայական ակումբը գլխավորել է 2010-2013 թվականներին: Նույն ժամանակահատվածում հարկերն ամբողջությամբ չվճարելու մեջ է մեղադրվում նաեւ «Ռեալի» պորտուգալացի հարձակվող Կրիշտիանու Ռոնալդուն: Երկուսի գործակալն էլ պորտուգալացի Ժորժե Մենդեշն է:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։