Ուկրաինայի Խարկով քաղաքում ընթացող բռնցքամարտի Եվրոպայի առաջնությունում Հայաստանը ներկայացնող 49 կգ քաշային Արթուր Հովհաննիսյանը, 52 կգ քաշային Նարեկ Աբգարյանը եւ գերծանր քաշային Գուրգեն Հովհաննիսյանը պարտություն են կրել 1/8 եզրափակիչի մենամարտերում:
Արթուր Հովհաննիսյանի մրցակիցը Բելառուսի ներկայացուցիչ Յուհենի Կարմիլչեկն էր, Նարեկ Աբգարյանինը՝ իսպանացի Գաբրիել Էսկոբարը Մասկունանոն, Գուրգեն Հովհաննիսյանինը՝ ռումինացի Միհայ Նիստորը:
Հունիսի 19-ին ռինգ դուրս կգա նաեւ 64 կգ քաշային Վլադիմիր Մարգարյանը:
Հիշեցնենք, որ Հայաստանի ներկայացուցիչներից քառորդ եզրափակիչի ուղեգիր նվաճել է Հովհաննես Բաչկովը:
Սիրողական բռնցքամարտի եվրոպական միությունը յութուբյան հեռարձակմամբ ներկայացնում է Եվրոպայի առաջնությունը:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։