Պինտու. Մեսին ավելի արժանի է «Ոսկե գնդակին», քան Կասիլյասը
09:46 21 հուլիսի, 2012Լիոնել Մեսին ավելի արժանի է «Ոսկե գնդակին», քան Իկեր Կասիլյասը, հայտարարել է կատալոնական «Բարսելոնայի» իսպանացի դարպասապահ Խոսե Մանուել Պինտուն:
«Ռեալը» հիանալի մրցաշրջան անցկացրեց: Կարծում եմ՝ Կասիլյասն աշխարհի լավագույն դարպասապահն է: Նա հիանալի հանդես եկավ ինչպես Իսպանիայի առաջնությունում, այնպես էլ Եվրո-2012-ում: Սակայն աշխարհի բոլոր ֆուտբոլիստներից կարող ես առանձնացնել միայն մեկին՝ Մեսիին: Նա տարբերվում է բոլորից եւ, միանշանակ, պետք է եւս մեկ անգամ արժանանա «Ոսկե գնդակին»:
Ինչ վերաբերվում է իմ առաջիկա պլաններին, ասեմ, որ պատրաստվում եմ Վիկտոր Վալդեսին դուրս թողնել «Բարսելոնայի» մեկնարկային կազմից: Դրա համար շարունակում եմ անդադար մարզվել: Այնուամենայնիվ, վերջնական որոշումը Վիլանովայինն է»,- 36-ամյա Պինտուի խոսքը մեջբերում է EFE-ն:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։