Միշա Ալոյան. Առջեւում համառ մարզումների երկու շաբաթ կա
01:00 21 հուլիսի, 201252 կգ քաշային կարգում բռնցքամարտի Ռուսաստանի հավաքականի առաջատար Միշա Ալոյանը շարունակում է աշխատել ֆիզիկական վիճակի վրա, թեեւ գոհ է մարզավիճակից: Այդ մասին բռնցքամարտիկն ասել է Allsport-ի հետ զրույցում:
«Լավ է, որ մենք կարողացանք անցկացնել ցուցադրական մենամարտեր: Դրանք պետք է կազմակերպել, ինչքան հնարավոր է շատ: Այդպիսի մենամարտերը օգնում են ամրապնդել մարզումային նյութը եւ մշակել կոմբինացիաները: Պետք է բոլոր հմտությունները ավտոմատիզմի հասցնել: Մարզումների ժամանակ մենք անցկացնում ենք 9 ռաունդ, իսկ ցուցադրական մենամարտերում` ընդամենը 3: Չեմ ցանկանում խոսել իմ ֆիզիկական վիճակի մասին: Կարեւորը` օլիմպիական մրցաշարի մեկնարկին լինել մարզավիճակի գագաթնակետին: Ես առայժմ այնքան էլ լավ չեմ զգում տարածությունը մրցակցի հետ, բայց առջեւում համառ մարզումների երկու շաբաթ կա»,- ասել է Միշա Ալոյանը:
Հիշեցնենք, որ անցած տարի Բաքվում կայացած աշխարհի առաջնությունում Ալոյանը նվաճեց ոսկե մեդալ:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.