Արմեն Մկրտչյանը հրաժարական է տվել եւ հեռացել Հայաստանից
21:23 17 հունիսի, 2017Ազատ ոճի ըմբշամարտի Հայաստանի հավաքականի գլխավոր մարզիչ Արմեն Մկրտչյանը հրաժարական է տվել եւ հեռացել Հայաստանից: Այս մասին NEWS.am Sport-ի թղթակցին հայտնի դարձավ Հայաստանի ըմբշամարտի ֆեդերացիայից:
Ազատ ոճի ըմբշամարտի Հայաստանի հավաքականի գլխավոր մարզիչ, Օլիմպիական փոխչեմպիոն Արմեն Մկրտչյանը այլեւս չի գլխավորի հավաքականը: Հայաստանի ըմբշամարտի ֆեդերացիան դեռեւս պաշտոնապես չի հաստատել, սակայն չի հերքում շրջանառվող լուրերը:
2017 թվականի հունվարի 21-ից ազգային հավաքականը գլխավորած Արմեն Մկրտչյանն այս օրերին Հայաստանում չի գտնվում, վերադարձել է Բելգիա ընտանեկան խնդիրների պատճառով:
NEWS.am Sport-ի թղթակիցը խոսեց Հայաստանի ըմբշամարտի ֆեդերացիայի գլխավոր քարտուղար Արայիկ Բաղդադյանի հետ, որը նաեւ ազատ ոճայինների նախկին գլխավոր մարզիչն է: Նա խուսափողական պատասխան տվեց՝ հայտնելով, որ ավելի մանրամասն հարցին ֆեդերացիան եւ մարզչական շտաբը կպատասխանեն հունիսի 19-ին:
NEWS.am Sport-ի տեղեկություններով օլիմպիական փոխչեմպիոնը Թբիլիսիի մրցաշարից առաջ Երեւանում վերջին ուսումնամարզական հավաքն է անցկացրել «Օլիմպավանում», որից հետո հեռացել է Հայաստանից: Արմեն Մկրտչյանը թիմի հետ նույնիսկ Վրաստան չի մեկնել:
Հիշեցնենք, որ օլիմպիական փոխչեմպիոնը բնակվում էր Գերմանիայում, Հայաստան էր վերադարձել ՀԱՕԿ նախագահ Գագիկ Ծառուկյանի հրավերով եւ նշանակվել գլխավոր մարզիչ:
Լուսինե Շահբազյան
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.