Դավիթ Հայրապետյան. Լոնդոն եմ մեկնում ոսկե մեդալի հետեւից
00:48 21 հուլիսի, 2012Բռնցքամարտի օլիմպիական մրցաշարում 49 կգ քաշային կարգում հիմնական մրցակիցները կլինեն Չինաստանից, Կորեայից եւ Ֆրանսիայից, հայտարարել է չեմպիոնի տիտղոսի գլխավոր հավակնորդներից մեկը` Ռուսաստանի հավաքականի առաջատար Դավիթ Հայրապետյանը:
«Վիճակահանության վերաբերյալ ոչ մի նախապատվություն չունեմ: Սակայն արդար կլիներ, եթե Լոնդոնում մրցաշարային ցանցը կազմեին վարկանիշով, ոչ թե կույր մեթոդով: Հիմարություն է, երբ Օլիմպիական խաղերի նման մրցումներում ուժեղագույնները մենամարտում են առաջին շրջանում:
Իմ հիմնական մրցակիցները կլինեն Չինաստանի, Կորեայի եւ Ֆրանսիայի ներկայացուցիչները: Չեմ կարծում, որ գեթ մեկ մենամարտ հեշտ կանցնի: Բայց ես Լոնդոն եմ մեկնում ոսկե մեդալի հետեւից: Սակայն ռինգում մտածում ես ոչ թե մեդալների, այլ` ամեն ինչ հստակ անելու մասին: Այժմ իմ հիմնական խնդիրը պրակտիկա հավաքելն է, մինչեւ առաջին մենամարտը դեռ երկու շաբաթ կա»,- ասել է Հայրապետյանը Allsport-ին:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։