Լեւոն Արոնյանը վերադարձավ 2800-ի էլիտար ակումբ
00:55 17 հունիսի, 2017Նորվեգիայի Ստավանգեր քաղաքում ավարտված Norway Chess սուպերմրցաշարում տարած հաղթանակից հետո հայկական շախմատի առաջատար Լեւոն Արոնյանի վարկանիշը դարձյալ գերազանցել է 2800-ը: Հայ գրոսմայստերն ինտերակտիվ վարկանիշային աղյուսակում այժմ չորրորդ տեղում է՝ 2808:
Լեւոն Արոնյանն առաջին անգամ 2800-ի սահմանագիծը գերազանցել է 2010թ. նոյեմբերին: Նրա առավելագույնը եղել է 2014թ. մարտին՝ 2830: Այն ժամանակ նա աշխարհի երկրորդ համարն էր: 2014թ. հոկտեմբերից Լեւոն Արոնյանը չէր ունեցել 2800-ից բարձր վարկանիշ:
Հիշեցնենք, որ Ստավանգերում Լեւոն Արոնյանը պարտության է մատնել աշխարհի չեմպիոն, առաջին համար, նորվեգացի Մագնուս Կարլսենին, աշխարհի նախկին չեմպիոն, երկրորդ համար, ռուսաստանցի Վլադիմիր Կրամնիկին եւ աշխարհի չեմպիոնի նախկին հավակնորդ, ռուսաստանցի Սերգեյ Կարյակին, որը Ստավանգերում գրավեց վերջին տեղը, իսկ Կարլսենը նախավերջինն է:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։