Ստամբուլի «Բեշիկթաշի» կիսապաշտպան Չենկ Տոսունը քվեարկության արդյունքում ճանաչվել է Չեմպիոնների լիգայի այս մրցաշարի լավագույն գոլի հեղինակ, հայտնում է ՈւԵՖԱ-ի կայքը:
Թուրք ֆուտբոլիստի՝ Լիսաբոնի «Բենֆիկայի» դարպասը խփած գոլը ստացել է ձայների 41 տոկոսը: Երկրորդ տեղում է Թուրինի «Յուվենտուսի» խորվաթ հարձակվող Մարիո Մանջուկիչի գոլը Մադրիդի «Ռեալի» դեմ եզրափակիչ խաղում՝ 19 տոկոս: Լավագույն եռյակը եզրափակել է «Ռեալի» պորտուգալացի հարձակվող Կրիշտիանու Ռոնալդուի գոլը Լիսաբոնի «Սպորտինգի» դեմ խաղում՝ 13 տոկոս:
Հիշեցնենք, որ ավելի վաղ ՈւԵՖԱ-ն ներկայացրել էր Չեմպիոնների լիգայի լավագույն գոլերի տասնյակի իր վարկածը: Առաջին տեղում էր Մարիո Մանջուկիչի գոլը:
Մանջուկիչի գոլը
Ռոնալդուի գոլը
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։