Լոնդոն-2012. Նադալի բացակայությունը ոչինչ չի փոխում
22:35 20 հուլիսի, 2012Ռաֆայել Նադալի բացակայությունն օլիմպիական մրցաշարում ոչինչ չի փոխում եւ առանձնապես չի ազդի ընթացքի վրա, հայտարարել է բրիտանացի թենիսիստ Էնդի Մարեյը, որը զբաղեցնում է չորրորդ տեղը համաշխարհային վարկանիշային աղյուսակում:
«Այն, որ Ռաֆան չի խաղալու` չի ազդի իմ մրցաշարային ուղու վրա, քանի որ միեւնույնն է, մենք լինելու էինք մրցաշարային ցանցի տարբեր հատվածներում»,- ասել է Մարեյը:
Նա նաեւ պատմել է, թե ինչ ապրումներ է ունեցել Ուիմբլդոնի մրցաշարի եզրափակիչում Ռոջեր Ֆեդերերին պարտվելուց հետո:
«Եզրափակիչին հաջորդած գիշերը ծանր էր: Ես չէի կարողանում քնել: Մրցաշարից հետո մի քանի ազատ օր ունեի, եւ ես կարողացա հանգստանալ եւ ուշքի գալ: Ընկերներիս հետ կարտինգ վարեցի, երգիծական ներկայացման գնացի»,- բրիտանացու խոսքը փոխանցում է BBC-ն:
Հիշեցնենք, որ 2008թ. Օլիմպիական խաղերում Մարեյը հենց առաջին շրջանում պարտվեց թայվանցի Յեն Սուն Լուին:
Լոնդոնի Օլիմպիական խաղերում թենիսի մրցաշարը կմեկնարկի հուլիսի 28-ին:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։