Կեւին Դյուրանտը կրկնել է Շաքիլ Օ՛Նիլի ռեկորդը

«Գոլդեն Սթեյտի» խաղացող Կեւին Դյուրանտը կրկնել է ամերիկացի լեգենդար բասկետբոլիստ Շաքիլ Օ՛Նիլի ռեկորդը՝ Բասկետբոլի ազգային ասոցիացիայի (NBA) եզրափակիչ շարքում 30 եւ ավելի միավոր վաստակելով 5-րդ խաղում անընդմեջ: «Քլիվլենդի» դեմ 5-րդ խաղում (129:120) Դյուրանտը հավաքել էր 39 միավոր՝ ճանաչվելով նաեւ եզրափակիչ շարքի ամենաարդյունավետ բասկետբոլիստ:

Շաքիլ Օ՛Նիլը ռեկորդը սահմանել էր 2000-ին, երբ խաղում էր «Լոս Անջելես Լեյքերսում»:

Հիշեցնենք, որ Կեւին Դյուրանտն առաջին անգամ դարձավ NBA-ի չեմպիոն, իսկ եզրափակիչին մասնակցեց երկրորդ անգամ: 2012-ին նա «Օկլահոմայի» կազմում եզրափակիչ շարքում պարտվել էր «Մայամիին»:

Տեսանյութում Կեւին Դյուրանտի մասնակցությամբ լավագույն դրվագներն են եզրափակիչի 5-րդ խաղում