Բելառուսի մայրաքաղաք Մինսկում շարունակվող շախմատի Եվրոպայի անհատական առաջնության 7-րդ տուրում Հայաստանի ներկայացուցիչներից Հրանտ Մելքումյանը սեւերով պարտվեց անգլիացի Դեւիդ Հաուելին եւ դուրս մնաց առաջատարների շարքից: Հաուելն ու իսպանացի Դավիդ Անտոն Գիխարոն 6-ական միավորով կիսում են առաջին տեղը:
Նրանցից կես միավոր է հետ Հայաստանի ներկայացուցիչ Արման Միքայելյանը, որը բաժանում է 3-13-րդ տեղերը:
Արման Միքայելյանը 7-րդ տուրում սպիտակներով պարտության է մատնել բելառուս Սերգեյ Ժիգալկոյին:
Հրանտ Մելքումյանը, Արման Փաշիկյանը, Վահե Բաղդասարյանը, Սերգեյ Մովեսյանը վաստակել են 5-ական միավոր: Հայկ Մարտիրոսյանը, Հովհաննես Գաբուզյանը, Մանուել Պետրոսյանը, Գաբրիել Սարգսյանը, Արթուր Դավթյանն ունեն 4.5-ական միավոր:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։