Դաշտի կենտրոնից գոլ բաց թողած դարպասապահն ընդմիջմանը տաքսիով հեռացել է ստադիոնից
15:15 1 հունիսի, 2017Բրազիլացի դարպասապահ Ֆաբիո Գոնսալեսի առաջին պաշտոնական խաղը «Ֆիգեյրենսեի» կազմում ստացվել է անհաջող: «Բոայի» դեմ բրազիլական В Սերիայի խաղում 38-ամյա դարպասապահը 2 գոլ է բաց թողել առաջին խաղակեսում: Երկրորդ գոլը գրանցվել է խաղակեսի ավելացված ժամանակում, երբ «Բոայի» խաղացողը տուգանային հարվածով դաշտի կենտրոնից գրավել է դարպասը: Ընդմիջման ժամանակ Ֆաբիո Գոնսալեսը տաքսիով հեռացել է ստադիոնից եւ չի վերադարձել: Ավելի ուշ նա ներողություն է խնդրել իր արարքի համար, սակայն «Ֆիգեյրենսեի» մարզչական շտաբն այլեւս հույսեր չի կապում դարպասապահի հետ, գրում է GloboEsporte-ը:
Այդ խաղում «Ֆիգեյրենսեն» պարտվել է 0:2 հաշվով:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.