Ֆուտբոլի Հայաստանի Բարձրագույն խմբի նախավերջին՝ 29-րդ տուրում «Փյունիկն» Ավանի ֆուտբոլային Ակադեմիայում 2:1 հաշվով կամային հաղթանակ տարավ «Արարատի» նկատմամբ:
Գեղամ Թումբարյանի գոլի շնորհիվ «Արարատը» հաշվի մեջ առջեւում էր առաջին խաղակեսից հետո, սակայն ընդմիջումից հետո «Փյունիկի» կիսապաշտպան Հովհաննես Հարությունյանը դարձավ դուբլի հեղինակ՝ հաղթանակ պարգեւելով դաշտի տերերի: Հայաստանի մինչեւ 19 տարեկանների հավաքականի ավագը 2 գոլերն էլ խփեց տուգանային հարվածով:
«Փյունիկը» 42 միավորով չորրորդն է, իսկ հետնապահ «Արարատն» ունի 12 միավոր:
Հայաստանի առաջնություն, 29-րդ տուր
«Փյունիկ» - «Արարատ»՝ 2:1
Հովհաննես Հարությունյան, 73, 88 – Գեղամ Թումբարյան, 34
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։