Զիդան. Ռոնալդուն ֆանտաստիկ մարզավիճակում է
14:53 26 մայիսի, 2017Մադրիդի «Ռեալի» ֆրանսիացի գլխավոր մարզիչ Զինեդին Զիդանը հիացմունքով է խոսել թիմի առաջատար Կրիշտիանու Ռոնալդուի մասին:
«Խոսքերը քիչ են Ռոնալդուի արածը բնութագրելու համար: Նա իր մասին խոսում է գոլերով: Այժմ նա բոլոր մրցաշարերում ավելի քան 400 հանդիպում է անցկացրել «Ռեալում»: Դժվար է հավատալ այդ վիճակագրությանը, բայց փաստ է:
Այս տարի նա շատ հանդիպումներ է անցկացրել, բայց այժմ ֆանտաստիկ մարզավիճակում է: Սակայն բոլորն էլ հանգստի կարիք ունեն»,- Զիդանի խոսքը մեջբերում է ՈւԵՖԱ-ի կայքը:
Հիշեցնենք, որ «Ռեալը» հունիսի 3-ին Կարդիֆում Թուրինի «Յուվենտուսի» հետ կվիճարկի Չեմպիոնների լիգայի գավաթը՝ փորձելով պաշտպանել անցած տարի նվաճած տիտղոսը:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.