«ԲՄԱ-Խաբարովսկի» մարզիչ. Ռուսլան Կորյանի բացակայությունը զգացվում էր
18:37 26 մայիսի, 2017Ռուսաստանի Պրեմյեր լիգայի ուղեգրի համար անցումային փուլի առաջին խաղում «Օրենբուրգի» հետ 0:0 հաշվով խաղալուց հետո «ԲՄԱ-Խաբարովսկի» գլխավոր մարզիչ Ալեքսեյ Պոդուբսկին նշել է, որ թիմի լավագույն ռմբարկու Ռուսլան Կորյանի բացակայությունը զգացվում էր: Հայաստանի հավաքականի հարձակվողը հանդիպումը բաց է թողել որակազրկման պատճառով:
«Կողմերը չէին ցանկանում գոլ բաց թողնել, շատ զգոն էին եւ զգուշավոր: Շատ էր պայքարը, բայց գոլային պահերը քիչ էին: Արդյունքն օրինաչափ է: Ամեն ինչ կվճռվի պատասխան խաղում: Դաշտի տերերը կխաղան ավելի ագրեսիվ: Մեր խնդիրն է գրագետ խաղալ պաշտպանությունում եւ օգտագործել մեր շանսը»,- մարզիչի խոսքը մեջբերում է Sport-express-ը:
Պատասխան հանդիպումը տեղի կունենա մայիսի 28-ին Օրենբուրգում:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։