Squawka. Հենրիխ Մխիթարյանը՝ «գավաթային հանդիպումների արքա»
22:12 25 մայիսի, 2017Squawka-ն առանձնացրել է անգլիական «Մանչեսթեր Յունայթեդի» եւ հոլանդական «Այաքսի» մասնակցությամբ Եվրոպայի լիգայի եզրափակիչի գլխավոր իրադարձությունները՝մանչեսթերյան թիմի եւ Հայաստանի հավաքականի կիսապաշտպան Հենրիխ Մխիթարյանին անվանելով «գավաթային հանդիպումների արքա»:
«Եզրափակիչում «Մանչեսթեր Յունայթեդը» Պոգբայի գոլից հետո ստիպված էր պահել հաշիվը, քանի որ քիչ բան էր ստացվում: Երկրորդ գոլի դրվագում Խուան Մատան իրացրեց անկյունայինը, Կրիս Սմոլինգը գլխով շեղեց գնդակի ուղղությունը, իսկ Հենրիխ Մխիթարյանը կարողացավ հաղթող դուրս գալ Ջոել Վելթմանի հետ պայքարում եւ մեկ հպումով գրավել դարպասը՝ 2:0:
Դա Մխիթարյանի 6-րդ գոլն էր Եվրոպայի լիգայի ավարտված մրցաշարում: Հենրիխին առանց վերապահուների կարելի է անվանել «գավաթային հանդիպումների արքա»: Նա ավարտված մրցաշրջանի 12 գավաթային հանդիպումներում խփել է 7 գոլ, կատարել է 4 գոլային փոխանցում»,- գրում է Squawka-ն:
Հիշեցնենք, որ «Մանչեսթեր Յունայթեդն» առաջին անգամ նվաճեց Եվրոպայի լիգայի գավաթը:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։