Օուեն Հարգրիվզ. Հենրիխ Մխիթարյանի լավագույն գոլն էր

«Մանչեսթեր Յունայթեդի» եւ Անգլիայի հավաքականի նախկին կիսապաշտպան Օուեն Հարգրիվզը, մեկնաբանելով Եվրոպայի լիգայի եզրափակիչում անգլիական թիմի խաղը Ամստերդամի «Այաքսի» դեմ, նշել է, որ Հայաստանի հավաքականի կիսապաշտպան Հենրիխ Մխիթարյանը խփել է իր լավագույն գոլը Եվրոպայի լիգայի ավարտված մրցաշրջանում:

«Երկրորդ գոլն ահրաժեշտ էր «Յունայթեդին», որպեսզի «սպաներ» խաղը: Այդ դրվագում Մխիթարյանը հրաշալի խաղաց: Եվրոպայի լիգայում նա շատ գոլեր է խփել, բայց այդ մեկը լավագույնն է»,- Հարգրիվզի խոսքը մեջբերում է thesportreview.com-ը:

Հիշեցնենք, որ Պոգբայի եւ Մխիթարյանի գոլերի շնորհիվ Մոուրինյոյի գլխավորած թիմը հաղթել է 2:0 հաշվով: Հայ ֆուտբոլիստը դարձել է Եվրոպայի լիգայում «Մանչեսթեր Յունայթեդի» լավագույն ռմբարկուն՝ 6 գոլ: