«Մանչեսթեր Յունայթեդի» ֆուտբոլիստների աշխատավարձը կբարձրանա 25 տոկոսով
13:53 25 մայիսի, 2017Եվրոպայի լիգայի գավաթը նվաճելու եւ Չեմպիոնների լիգայի խմբային մրցաշարի ուղեգիր ապահովելու համար «Մանչեսթեր Յունայթեդի» ֆուտբոլիստների աշխատավարձը հաջորդ մրցաշրջանում կբարձրանա 25 տոկոսով: Բացարձակ թվով դա կկազմի 38 միլիոն ֆունտ ստերլինգ, հաղորդում է The Times-ը: Մեկ հանդիպման արդյունքում ստացած պարգեւավճարի այս չափը ռեկորդային է համաշխարհային ֆուտբոլում: Եվս 1 միլիոն ֆունտ ստերլինգ ֆուտբոլիստները կստանան ՈւԵՖԱ-ից:
Հիշեցնենք, որ Ստոկհոլմում տեղի ունեցած եզրափակիչում «Մանչեսթեր Յունայթեդը» 2:0 հաշվով հաղթել է Ամստերդամի «Այաքսին»: Գոլերը խփել են ֆրանսիացի Պոլ Պոգբան եւ Հայաստանի հավաքականի կիսապաշտպան Հենրիխ Մխիթարյանը:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.