Ալվարո Մորատան կարիերան կշարունակի «Միլանում»

13:11   25 մայիսի, 2017

Մադրիդի «Ռեալի» հարձակվող Ալվարո Մորատան կվերադառնա Իտալիա եւ կարիերան կշարունակի «Միլանում», հաղորդում է La Gazzetta dello Sport-ը: Իտալական ակումբը 24-ամյա իսպանացի ֆուտբոլիստի համար կվճարի 60 միլիոն եվրո: Մորատան կստանա տարեկան 7.5 միլիոն եվրո:

Հիշեցնենք, որ Մորատան 2014-2016 թվականներին հանդես է եկել Թուրինի «Յուվենտուսում»: Ֆուտբոլիստը դժգոհ է, որ «Ռեալի» գլխավոր մարզիչ Զինեդին Զիդանը քիչ խաղային ժամանակ է տրամադրում իրեն՝ ավելի շատ վստահելով ֆրանսիացի Քարիմ Բենզեմային, որի արդյունավետությունն ավելի ցածր է:

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։