«Մանչեսթեր Յունայթեդի» եւ Ֆրանսիայի հավաքականի կիսապաշտպան Պոլ Պոգբան մեկնաբանել է 2:0 հաշվով հաղթանակը Ամստերդամի «Այաքսի» նկատմամբ Եվրոպայի լիգայի եզրափակիչում:
«Մենք հաղթեցինք եւ հպարտ ենք: Այժմ մարդիկ ոչինչ չեն կարող ասել մեզ: Բոլորը խոսում էին, թե մենք անցկացնում ենք անհաջող մրցաշրջան, բայց մենք նվաճեցինք երեք տիտղոս՝ Անգլիայի սուպերգավաթը, Անգլիական լիգայի գավաթը եւ Եվրոպայի լիգայի գավաթը: «Այաքսի» դեմ խաղում պետք էր լավ մեկնարկել: Մենք կարողացանք բացել հաշիվը եւ վերահսկել խաղը: Կարծում եմ՝ մեր բոլոր ֆուտբոլիստներն էլ լավ խաղացին»,- Պոգբայի խոսքը մեջբերում է ՈւԵՖԱ-ի մամուլի ծառայությունը:
Հիշեցնենք, որ Պոգբան խփել է առաջին գոլը, հաշիվը կրկնապատկել է Հայաստանի հավաքականի կիսապաշտպան Հենրիխ Մխիթարյանը:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։