Manutd.com. Հենրիխ Մխիթարյանը կերտում է «Մանչեսթեր Յունայթեդի» պատմությունը
09:42 25 մայիսի, 2017Հայաստանի հավաքականի կիսապաշտպան Հենրիխ Մխիթարյանը դարձել է «Մանչեսթեր Յունայթեդի» ռեկորդակիր՝ եվրագավաթային մեկ մրցաշրջանի ընթացքում դառնալով հինգ գոլի հեղինակ անգլիական թիմի հինգ արտագնա հանդիպումներում: Մեկ անգամ էլ հայ ֆուտբոլիստն աչքի է ընկել Եվրոպայի լիգայի տնային խաղում:
«Մխիթարյանը կերտում է «Մանչեսթեր Յունայթեդի» պատմությունը», գրում է անգլիական ակումբի պաշտոնական կայքը՝ ներկայացնելով վիճակագրությունը:
Մխիթարյանը գերազանցեց Դեյվիդ Հերդի, Դուայթ Յորքի, Ռուուդ վան Նիստելռոյի, Կրիշտիանու Ռոնալդուի եւ Ուեյն Ռունիի ռեկորդները, որոնք մեկ մրցաշրջանի ընթացքում 4-ական անգամ են գոլ խփել չորս արտագնա հանդիպումներում:
Հիշեցնենք, որ Ստոկհոլմում տեղի ունեցած Եվրոպայի լիգայի եզրափակիչում «Մանչեսթեր Յունայթեդը» 2:0 հաշվով հաղթել է «Այաքսին»: Մխիթարյանը խփել է երկրորդ գոլը: Եվրոպայի լիգայի 11 հանդիպումներում Մխիթարյանը խփել է 6 գոլ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։