Ֆելիքս Գյոտցեն առաջին պրոֆեսիոնալ պայմանագիրն է կնքել Մյունխենի «Բավարիայի» հետ, հաղորդում է գերմանական ակումբի պաշտոնական կայքը: Կենտրոնական պաշտպանը կնքել է երկու տարվա պայմանագիր:
19-ամյա ֆուտբոլիստը աշխարհի չեմպիոն Մարիո Գյոտցեի կրտսեր եղբայրն է: Ֆելիքս Գյոտցեն 2014 թվականից հանդես է եկել «Բավարիայի» ակադեմիայում: Նախքան այդ նա ներկայացնում էր Դորտմունդի «Բորուսիայի» պատանեկան թիմերը:
Ավարտված մրցաշրջանում Ֆելիքս Գյոտցեն «Բավարիայի» մինչեւ 19 տարեկանների թիմում մասնակցել է 19 հանդիպման, խփել 6 գոլ: Նա չորս անգամ եղել է «Բավարիայի» գլխավոր թիմի հայտացուցակում Բունդեսլիգայի խաղերին:
Հիշեցնենք, որ 24-ամյա Մարիո Գյոտցեն 2016-ին «Բավարիայից» վերադարձել է Դորտմունդի «Բորուսիա»:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։