Երեւանի «Թենֆորդ» ակումբում ավարտվեց թենիսի պատանիների Հայաստանի բաց առաջնություն - Սլավիկ Հայրապետյանի հուշամրցաշարը:
Բաց առաջնությունն անցկացվում է 8, 10, 12, 14 եւ 16 տարիքային խմբերի միջեւ, որին մասնակցում էր 50 թենիսիստ Երեւանի «Թենֆորդ», «Incourt» եւ «Արարատ» ակումբներից, եւս 2 թենիսիստ Գյումրիից:
16 տարեկանների պատանիների Հայաստանի չեմպիոն է դարձել Էրիկ Բաբայանը, փոխչեմպիոն՝ Դավիթ Չոբանյանը, երրորդ տեղ՝ Արամ Մադաթյանը: Աղջիկների պայքարում հաղթող է հռչակվել Էվելինա Մարտիրոսյանը, փոխչեմպիոն՝ Միլենա Մալխասյանը, երրորդ տեղ՝ Ալլա Անտոնյանը:
14 տարեկանների տղաների պայքարում առաջին տեղ գրավեց Նադիր Սարգսյանը, երկրորդ տեղ՝ Ռոբերտ Եդիգարյան, երրորդ՝ Դավիթ Չոբանյան: Աղջիկների պայքարում առաջին եռյակում են՝ Էվելինա Մարտիրոսյան, Ալլա Անտոնյան, Անահիտ Մկրտչյան:
12 տարեկանների տարիքայում խմբում տղաների պայքարում հաղթողներն են՝ Ավետիք Ղազարյան, Էրիկ Տիրավթյան, Ռաֆֆի Գրիգորյանը, աղջիկների պայքարում՝ Անահիտ Մկրտչյանը, Մարիամ Ղազարյանը, Գայանե Մարիտրոսյանը:
10 տարեկանների մեջ հաղթողներ ճանաչվեցին Ավետիք Ղազարյանը, Էրիկ Տիրավթյանը, Սպարտակ Գալստյանը, աղջիկների մեջ Մարիա Մարիտրոսյանը, Էմմա Վարդանյանն ու Տաթեւ Բաբուրյան:
Ամենափոքրերի՝ մինչեւ 8 տարեկանների պայքարում ուժեղ էին Ռազմիկ Եփրեմյանը, Ալբերտ Ազնավուրյանը եւ Խաչատուր Ավետիսյան: Աղջիկներից առաջին երեք տեղերում են Լիլիթ Անտոնյանը, Անժելա Հովհաննիսյանն ու Սոֆի Բաբուրյանը:
Պատանիների Հայաստանի բաց առաջնության հաղթողները լրացրեցին իրենց վարկանիշները՝ չեմպիոնները 55 միավորով, փոխչեմպիոնները՝ 35, երրորդ մրցանակակիրները 25-ակական միավորներով: Մյուս պատանի թենիսիստները անկախ արդյունքներից, զուտ մասնակցության համար հայաստանյան միավորներին ավելացրեցին 10-ական միավորով:
Պատանիների Հայաստանի բաց առաջնության հաղթողներին պարգեւատրեցին Երեւանի «Թենֆորդ» թենիսի ակումբի մարզչական շտաբը: Հայաստանի թենիսի ֆեդերացիայից որեւէ մեկը ներկա չէր, թեեւ պատանիների Հայաստանի բաց առաջնություն - Սլավիկ Հայրապետյանի հուշամրցաշարը պաշտոնական է եւ ընդգրկված է ֆեդերացիայի օրացուցային պլանում:
Լուսինե Շահբազյան
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։