The New York Times-ը՝ Հենրիխ Մխիթարյանի մասին
16:40 24 մայիսի, 2017Ֆուտբոլի Եվրոպայի լիգայի եզրափակիչի կապակցությամբ, The New York Times-ն անդրադարձել է անգլիական «Մանչեսթեր Յունայթեդի» եւ Հայաստանի ազգային հավաքականի կիսապաշտպան Հենրիխ Մխիթարյանին:
«Մանչեսթերում ազատ ժամանակը Մխիթարյանն օգտագործում է ոչ միայն ընկերների հետ հանգստանալու ու զվարճանալու համար, այլ նաեւ Հայաստանի առաջնության հանդիպումներ դիտելով: Նրա մի մասնիկը միշտ տանն է՝ Հայաստանում, որտեղ սկսել է ֆուտբոլային կարիերան:
Նա բարդ ուղի է անցել «Փյունիկից» մինչեւ «Մանչեսթեր Յունայթեդ», բայց դա նրան հաջողվել է: Այսօր նա համարվում է հայկական ֆուտբոլի պատմության լավագույն խաղացողը, իսկ «Այաքսի» նկատմամբ հաղթանակի դեպքում, կդառնա նշանակությամբ երկրորդ եվրագավաթային մրցաշարում հաղթանակ տարած Հայաստանի հավաքականի առաջին ֆուտբոլիստը:
Մխիթարյանը վստահ է, որ հաղթանակը «Այաքսի» նկատմամբ հնարավորություն կտա աշխարհին լրացուցիչ հիշեցնել, թե ինչ է Հայաստանը եւ որտեղ է այն գտնվում:
«Հայերը ստեղծում են փոքր Հայաստան, որտեղ էլ գտնվեն»,- կարծում է Մխիթարյանը, որն անգլիական քաղաքում ճաշում է հայկական պանդոկում, այցելում է հայկական եկեղեցի:
Մխիթարյանը հայ ֆուտբոլիստների համար բացառիկ օրինակ է. նա երբեք չի մոռանում, թե որտեղից է սկսել ուղին, գրում է պարբերականը:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.