«Մանչեսթեր Յունայթեդի» ֆուտբոլիստները ժամանել են Շվեդիայի մայրաքաղաք Ստոքհոլմ, որտեղ Եվրոպայի լիգայի եզրափակիչում կմրցեն Ամստերդամի «Այաքսի» հետ:
Ժոզե Մոուրինյոն, Հայաստանի հավաքականի կիսապաշտպան Հենրիխ Մխիթարյանն ու նրա ակումբակիցներն արդեն եղել են նաեւ «Ֆրենդս Արենայում»՝ ծանոթանալով խոտածածկի որակին ու ստադիոնին:
Հիշեցնենք, որ «Մանչեսթեր Յունայթեդի» եւ «Այաքսի» միջեւ խաղը կկայանա մայիսի 24-ին «Ֆրենդս Արենայում» եւ կսկսվի Երեւանի ժամանակով 22:45-ին: Խաղից առաջ 2 թիմերի ֆուտբոլիստները մեկ րոպե լռությամբ կհարգեն «Մանչեսթեր արենա» ստադիոնում մայիսի 22-ին տեղի ունեցած ահաբեկչության զոհերի հիշատակը:
Հոլանդական ակումբը եվրագավաթների եզրափակիչում նախորդ անգամ հանդես եկել է 1996-ին: Եվրոպայի լիգայի հաղթողը նվաճում է Չեմպիոնների լիգայի խմբային փուլի ուղեգիր:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։