Պրոֆեսիոնալ բռնցքամարտի սուպերմիջին քաշային կարգում WBO վարկածով աշխարհի նախկին չեմպիոն Արթուր Աբրահամն այցելել է Մասիսի երիտասարդական կենտրոն, զրուցել Մասիս քաղաքից եւ հարակից գյուղերից հանդիպման եկած երեխաների ու երիտասարդների հետ, պատասխանել նրանց հետաքրքրող հարցերին, ինքնագրեր բաժանել, լուսանկարվել նրանց հետ:
Այնուհետև 37-ամյա բռնցքամարտիկն այցելել է Մասիսում կառուցվող ընտանեկան առաջին մարզահամալիրի շինհրապարակ եւ ծանոթացել աշխատանքների ընթացքին:
Adibekyan Family Foundation for Advancement (AFFA) բարեգործական կազմակերպության կողմից կառուցվող սպորտային համալիրն ունենալու է մինի ֆուտբոլի եւ բասկետբոլի խաղահրապարակներ, մարզասարքերով բացօթյա տարածք, ինչպես նաեւ երեխաների համար նախատեսված խաղահրապարակ, փոխանցում են Արթուր Աբրահամի մամուլի ծառայությունից:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։