Խճուղային հեծանվավազքի Հայաստանի չեմպիոնները

21:50   22 մայիսի, 2017

Խճուղային հեծանվավազքի Հայաստանի առաջնությանը մասնակցել են շուրջ 60 հեծանվորդներ Երեւանից, Գյումրիից, Վանաձորից, Մասիսից ու Աբովյանից։ 

Մասնակիցները մրցել են անջատ մեկնարկ (մեծահասակներ ու երիտասարդներ 25 կմ, պատանիներ՝ 10 կմ) եւ խմբակային մրցավազք (մեծահասակներ ու երիտասարդներ 120 կմ, պատանիներ՝ 70 կմ) ձեւերում:

Անջատ մեկնարկ մրցաձի մեծահասակների պայքարում Հայաստանի չեմպիոն են դարձել Էդգար Ստեփանյանը (անձնական մարզիչներ՝ Կարեն Սարգիսով, Արմեն Գյոզալյան), երիտասարդների մրցապայքարում՝ Ռոբերտ Խաչատրյանը (անձնական մարզիչներ՝ Գրիշա Մուրադյան, Արմեն Գյոզալյան), պատանիների մրցապայքարում՝ Հովհաննես Երանոսյանը (անձնական մարզիչ՝ Գեւորգ Բոյաջյան): 

Խմբակային ձեւում մեծահասակների մրցապայքարում հաղթող են ճանաչվել Էդգար Ստեփանյանը (անձնական մարզիչներ՝ Կարեն Սարգիսով, Արմեն Գյոզալյան), երիտասարդների մրցապայքարում՝ Լեւոն Լավչյանը (անձնական մարզիչ՝ Գրիգոր Բաբայան), պատանիների մրցապայքարում՝ Ամու Ասուբովը (անձնական մարզիչ՝ Գևորգ Բոյաջյան), հայտնում են Սպորտի եւ երիտասարդության հարցերի նախարարությունից: 



© 2019 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։