8 մեդալ՝ սամբոյի Եվրոպայի առաջնությունից

Մինսկում մայիսի 19-ից 22-ն անցկացված սամբոյի Եվրոպայի առաջնությունից հայ մարզիկները կվերադառնան 8 մեդալով՝ 1 ոսկե, 2 արծաթե ու 5 բրոնզե, հայտնում են Հայաստանի սամբոյի ֆեդերացիայից։

Մարզական սամբոյի մրցաշարում 52 կգ քաշային Տիգրան Կիրակոսյանը հռչակվել է Եվրոպայի չեմպիոն, Արթուր Սահակյանը (62 կգ) դարձել է արծաթե մեդալակիր, իսկ Մաքսիմ Մանուկյանը (57 կգ) ու Արսեն Ղազարյանը (74 կգ) նվաճել են բրոնզե մեդալ։

Մարտական սամբոյի մրցաշարում Գրիգոր Մխիթարյանը (52 կգ) նվաճել է արծաթե մեդալ, իսկ Հարություն Սարգսյանը (57 կգ), Կոլյա Կարապետյանը (62 կգ) եւ Էդգար Մեհրաբյանը (90 կգ) գրավել են երրորդ տեղը։

Հայաստանի թիմը Եվրոպայի առաջնությանը մեկնել էր 18 սամբիստով։