Մոուրինյոյի ասուլիսը տեւել է 10 վայրկյան
12:14 22 մայիսի, 2017«Մանչեսթեր Յունայթեդի» գլխավոր մարզիչ Ժոզե Մոուրինյոյի հետխաղյա ասուլիսը «Քրիսթալ Փելասի» դեմ Անգլիայի առաջնության վերջին տուրի հանդիպումից հետո տեւել է 10 վայրկյան: Լրագրողները հարցեր չեն ունեցել պորտուգալացի մասնագետին, որն այդ խաղում հանգստանալու հնարավորությւոն էր տվել թիմի առաջատարներին:
Հիշեցնենք, որ Ժոզե Մոուրինյոյի թիմը հաղթել էր 2:0 հաշվով եւ 69 միավորով գրավել 6-րդ տեղը: Հայաստանի հավաքականի կիսապաշտպան Հենրիխ Մխիթարյանը չէր հայտավորվել մանչեսթերցիների կազմում:
«Մանչեսթեր Յունայթեդը» պատրաստվում է Ամստերդամի «Այաքսի» դեմ Եվրոպայի լիգայի եզրափակիչ խաղին, որը կկայանա մայիսի 24-ին Ստոքհոլմի «Ֆրենդս Արենա» ստադիոնում: Հոլանդական ակումբը եվրագավաթների եզրափակիչում նախորդ անգամ հանդես եկել է 1996-ին: Եվրոպայի լիգայի հաղթողը նվաճում է Չեմպիոնների լիգայի խմբային փուլի ուղեգիր:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։