Բոլոր այն մարզիկները, որոնք օլիմպիական ուղեգիր են ձեռք բերել, ես բոլորին համարում եմ մեդալի հավակնորդ:
Այս պահին լրագրողների հետ հանդիպման ժամանակ ասաց Հայաստանի սպորտի եւ երիտասարդության հարցերով նախարար, Ազգային օլիմպիական կոմիտեի գլխավոր քարտուղար Հրաչյա Ռոստոմյանը:
«25 մասնակիցը բավարար լինելու համար քիչ չէ, քանի որ բոլորս ձգտում ենք շատ մասնակից ունենալ Օլիմպիական խաղերում:
Միակ ֆիասկոն, որ ունենցանք Ռոման Ամոյանի բացակայությունն է: Այս պարագայում մասնակիցների քանակը գուցե բավարար է, բայց այս քանակի վրա չենք կանգնի, քանի որ պետք է առաջ գնանք:
Եթե մարդ մեդալ է ձեռք բերում, նա համարվում է այդ մարզաձեւում առաջատարներից մեկը: Այնպես որ բոլոր մարզիկներին էլ ես համարում եմ մեդալների հավակնորդ:
Մարզիկներից բոլորից էլ հույս ունենք: Պետք է ավելի լավ մասնակցենք, քան Պեկինում: Եթե մեդալներ չնվաճենք, ընդհանուր առումով շատ վատ կլինի:
Ցավոք սրտի իրականում մեր գլխավոր նպատակը մասնակցությունն է: Ես չեմ հակադարձի այս միտքը, քանի որ մենք արել ենք ամեն ինչ մեր մարզիկների համար»,- նշեց Հրաչյա Ռոստոմյանը:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։