Սամվել Կարապետյանի հրաժարականից հետո ըմբշամարտի ֆեդերացիայի գործերով կզբաղվի ՀԱՕԿ-ը
13:33 17 մայիսի, 2017Հայաստանի սպորտի եւ երիտասարդության հարցերի նախարար Հրաչյա Ռոստոմյանը մայիսի 17-ին հանդիպել է Հայաստանի ըմբշամարտի ֆեդերացիայի անդամների հետ եւ քննարկել ֆեդերացիայի հետագա գործունեության ծրագրերը:
Ըմբշամարտի ֆեդերացիայի նախագահ Սամվել Կարապետյանի հրաժարականից հետո ֆեդերացիայի աշխատանքները համակարգելու է Հայաստանի ազգային օլիմպիական կոմիտեն: ՀԱՕԿ-ի նախագահ Գագիկ Ծառուկյանի ֆինանսական աջակցությունը հնարավորություն կտա պահպանելու ֆեդերացիայի բնականոն աշխատանքը՝ ապահովելով մարզիկների հավաքների անցկացումը, նրանց մասնակցությունը միջազգային մրցաշարերին, Եվրոպայի եւ աշխարհի առաջնություններին:
«Մենք իրավունք չունենք ուշադրությունից դուրս թողնել այս մարզաձեւը, եւ այն մշտապես գտնվելու է սպորտի ոլորտի ղեկավարության տեսադաշտում: Վստահ եմ՝ հայ ըմբիշները մեզ դեռ կուրախացնեն ամենահեղինակավոր մրցագորգերում տարած հաղթանակներով եւ ամենաբարձր հարգի մեդալներով»,- նշել է Հրաչյա Ռոստոմյանը, փոխանցում են Սպորտի եւ երիտասարդության հարցերի նախարարությունից:
Նշենք, որ Հայաստանի ըմբշամարտի ֆեդերացիան ու ՀԱՕԿ-ը մինչեւ օրս չէին հայտնել Սամվել Կարապետյանի հրաժարականի մասին:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։