Մարիա Շարապովան «Ռոլան Գարոսի» կազմակերպիչներից հրավեր չի ստացել
22:43 16 մայիսի, 2017Մելդոնիումի օգտագործման համար որակազրկման ավարտից հետո Շտուտգարտի մրցաշարում կորտ վերադարձած 30-ամյա ռուսաստանցի Մարիա Շարապովան Մեծ սաղավարտի «Ռոլան Գարոսի» մրցաշարի կազմակերպիչներից մասնակցության հատուկ հրավեր կամ սպիտակ քարտ չի ստացել:
«Այդպիսի հրավեր ստանում են վնասվածքից հետո, բայց դոպինգային պատմությունից հետո չի լինում: Այս որոշումը կարող է հիասթափեցնել Շարապովային եւ նրա երկրպագուներին, բայց խաղի պաշտպանությունը իմ առաքելությունն է»,- օնլայն ասուլիսում հայտարել է Ֆրանսիայի թենիսի ֆեդերացիայի նախագահը:
Շարապովան այժմ հանդես է գալիս Հռոմի մրցաշարում եւ դուրս է եկել երկրորդ շրջան:
Ռուսաստանցի մարզուհին Ֆրանսիայի բաց առաջնության կրկնակի չեմպիոն է: Այս տարի մրցաշարը Փարիզում կանցկացվի մայիսի 22-ից հունիսի 11-ը:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։