Հենրիխ Մխիթարյանը, անգլիական «Մանչեսթեր Յունայթեդի» կազմում նվաճելով Եվրոպայի լիգայի եզրափակիչի ուղեգիր, դարձել է Հայաստանի հավաքականի առաջին ֆուտբոլիստը, որը հնարավորություն է ստանում հանդես գալ եվրագավաթների մրցաշարի եզրափակիչում:
Կիսաեզրափակիչում անգլիական ակումբը 2 խաղերի արդյունքում հաղթեց Վիգոյի «Սելտային» (1:0, 1:1): Մայիսի 24-ին Ստոքհոլմի «Ֆրենդս Արենա» սատդիոնում կայանալիք եզրափակիչում «Մանչեսթեր Յունայթեդի» մրցակիցը կլինի Ամստերդամի «Այաքսը»:
Նախկինում եվրագավաթների եզրափակիչում հանդես եկել են հայկական արմատներ ունեցող 2 ֆուտբոլիստներ՝ Ֆրանսիայի հավաքականի նախկին խաղացողներ Յուրի Ջորկաեֆն ու Ալեն Բոգոսյանը: Ջորկաեֆը 1996-ին Գավաթակիրների Գավաթի եզրափակիչ է հասել եւ հաղթել ՊՍԺ-ի հետ, իսկ «Ինտերի» կազմում 1998-ին նվաճել է ՈւԵՖԱ-ի գավաթը: Ալեն Բոգոսյանն իտալական «Պարմայի» հետ ՈւԵՖԱ-ի գավաթակիր է դարձել 1999-ին:
Հիշեցնենք, որ Եվրոպայի լիգայի հաղթողը նվաճում է Չեմպիոնների լիգայի խմբային փուլի ուղեգիր:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։