Ռոնալդու vs «Աթլետիկո»
16:10 3 մայիսի, 2017Տեսանյութում ներկայացված են Մադրիդի «Ռեալի» առաջատար Կրիշտիանու Ռոնալդուն մասնակցությամբ լավագույն դրվագներն «Աթլետիկոյի» դեմ Չեմպիոնների լիգայի կիսաեզրափակիչի առաջին խաղում: «Սանտյագո Բերնաբեու» ստադիոնում կայացած խաղում Արքայական ակումբը 3:0 հաշվով հաղթել էր պորտուգալացի հարձակվողի հեթ-տրիկի շնորհիվ:
Հիշեցնենք, որ 32-ամյա Ռոնալդուն առաջին ֆուտբոլիստն է, որը հեթ-տրիկի հեղինակ է դառնում Չեմպիոնների լիգայի փլեյ-օֆֆի 2 խաղերում անընդմեջ: Նա «Ռեալում» գոլերի քանակը հասցրել է 400-ի եւ շարունակում է գլխավորել ակումբի պատմության լավագույն ռմբարկուների ցուցակը:
Պորտուգալիայի հավաքականի ավագը 7-րդ հեթ-տրիկն էր ձեւակերպել Չեմպիոնների լիգայում եւ կրկնել «Բարսելոնայի» արգենտինացի հարձակվող Լիոնել Մեսիի ցուցանիշը: Բացի այդ, Ռոնալդուն առաջին ֆուտբոլիստն է, որը 20 գոլ է խփում «Ռեալի» ու «Աթլետիկոյի» միջեւ մադրիդյան դերբիում: Պորտուգալացի հարձակվողը նաեւ 52-րդ գոլը խփեց Չեմպիոնների լիգայի փլեյ-օֆֆի հանդիպումներում, ինչը եւս ռեկորդային ցուցանիշ է:
«Ռեալի» ու «Աթլետիկոյի» միջեւ պատասխան հանդիպումը կկայանա մայիսի 10-ին «Վիսենտե Կալդերոն» ստադիոնում:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։