Էդգար Մանուչարյանը՝ զանգվածային բախման մասին. Առանց էմոցիաների հնարավոր չէ պատկերացնել ֆուտբոլը
11:08 3 մայիսի, 2017Եկատերինբուրգի «Ուրալի» եւ Հայաստանի հավաքականի հարձակվող Էդգար Մանուչարյանը մեկնաբանել է Ռուսաստանի Գավաթի եզրափակիչում Մոսկվայի «Լոկոմոտիվից» կրած պարտությունը 0:2 հաշվով:
«Բախումը խաղային դրվագի հետեւանք էր: Նման բան լինում է: Ես հրեցի Արիին: Կարծում եմ՝ բոլոր հեռացումներն արդարացի էին: Դրանք էմոցիաներ են, առանց որոնց հնարավոր չէ պատկերացնել ֆուտբոլը:
Ցավալի է, որ մենք պարտվեցինք, սակայն չեմ կարծում, որ մրցակիցն արժանի էր հաղթանակի: Ամեն դեպքում, վերջնամասում մենք բաց թողեցինք առավելությունը եւ գոլ ընդունեցինք: Պետք է գործեինք ավելի վստահ: Երեւի, փորձի պակասը դերակատարում ունեցավ»,- Մանուչարյանի խոսքը մեջբերում է Rusfootball-ը:
Հիշեցնենք, որ ավելացված ժամանակում թիմերի միջեւ սկսվել է զանգվածային բախում, որից հետո մրցավարը կարմիր քարտ էր ցույց տվել 4 ֆուտբոլիստների, այդ թվում՝ Էդգար Մանուչարյանին: Բախման ժամանակ հայ հարձակվողը հարձակվել էր «Լոկոմոտիվի» բրազիլացի ռմբարկու Արիի վրա, որը հարվածել էր նրա թիմակցին: Սոչիում կայացած խաղում Մանուչարյանը փոխարինման էր դուրս եկել 79-րդ րոպեին:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.