«Բոկա Խունիորսը» Սարանդիի «Արսենալի» դեմ ֆուտբոլի Արգենտինայի առաջնության 22-րդ տուրի խաղից առաջ հարգել է Հայոց ցեղասպանության զոհերի հիշատակը: Մայիսի 1-ին կայացած հանդիպումից առաջ ցուցադրվել է «Եկեք բոլորս հիշենք Հայոց ցեղասպանությունը» գրությամբ պաստառ, փոխանցում է diarioarmenia.org.ar-ը:
Այդ խաղում «Բոկա Խունիորսը» տնային հաղթանակ է տարել 3:0 հաշվով եւ 48 միավորով գլխավորում է մրցաշարային աղյուսակը: Սարանդիի «Արսենալի» ուրուգվահայ հարձակվող Խոակին Բոգոսյանը հայտավորված չի եղել խաղին:
Հիշեցնենք, որ «Բոկա Խունիորսը» նախկինում եւս հարգել է Հայոց ցեղասպանության զոհերի հիշատակը:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։